Vaccination Ke Baad Bukhar, Dard Aur Soojan Ke Liye 5 Tips

Dr. Sandip Gupta

Vaccination ke baad bacche ko bukhar, dard aur soojan mein aaram dilane ke liye paanch tips. Bukhar ke liye – paracetamol ki drops ya syrup dein. Sahi dose aur sahi strength doctor se likhwa kar dein. Bonus tip: agar aap drops ya syrup use kar rahe hain to uski bottle par bacche ke sahi weight ke anusaar sahi ml dose likha rehta hai. Dard ya soojan ke liye – kapde ko thande paani mein bhigo kar cold compress de sakte hain, ya ice pack laga sakte hain. Massage na karein – vaccination wali jagah par 48 hours tak massage nahi karni hai. Agar baccha cranky hai – vaccination ke baad zyada se zyada skin-to-skin contact dein aur bacche ko frequent breastfeeding karayein. Agar vaccination site par chota sa lump ban gaya hai – ghabrane ki koi zaroorat nahi hai, ye do hafte mein apne aap theek ho jaata hai. Doctor ko kab dikhayein: Agar wahan bada ghaav ya soojan ho rahi hai jo din par din badh rahi hai, ya wahan se pus ya mawaad nikal raha hai, to doctor ko zaroor dikhayein. Aur agar bacche ko bahut high fever aata hai to bhi doctor se milna zaroori hai. Kinke liye relevant hai: wo parents jinke bacche ko vaccine ke baad bukhar, dard, soojan ya lump ho gaya hai; jo poochhte hain ki injection wali jagah par massage karni chahiye ya nahi; jo poochhte hain ki cold compress ya ice pack laga sakte hain ya nahi; jinka baccha vaccination ke baad cranky aur pareshan rehta hai; jo jaanna chahte hain ki vaccination ka lump kitne din mein jaata hai; aur jo poochhte hain ki vaccination ke baad kaun se lakshan par doctor ke paas jaana chahiye. Disclaimer: Ye video sirf general information aur educational purpose ke liye hai. Ye kisi professional medical advice, diagnosis ya treatment ka vikalp nahi hai. Har baccha alag hota hai — apne bacche ke liye sahi dawai aur dose ke liye apne pediatrician se zaroor consult karein, aur agar soojan badh rahi ho, pus ya discharge ho, ya bukhar bahut tez ho ya lagatar bana rahe to doctor ko dikhayein.